هل يمكن اختراق هاتف عن طريق رنه
السلام عليكم و رحمة الله و بركاته نتمنى أن يكون الجميع بخير في ظل هذه الظروف العصيبة التي نمر بها .
طبعاً الشائعات كترت جداً الفترة دي عن إختراق الموبايل و كمان سحب جميع الملفات منه بمجرد إنه الشخص المُخترِق بتصل بيك و إحنا هنا بقى هنتكلم على الموضوع دا و لو فرْضاً قدر يخترق الموبايل إيه اللي هيتم برضو هنتكلم عن الجزء دا . طريقة اختراق هاتف الاندرويد والايفون:
الموضوع بكل بساطة أنه عندما يحدث إتصال بين أي شخصين مسار الصوت بيبدأ بالخروج من الموبايل بعد التشفير و تحويله ليكون مناسب عشان يوصل لبرج الإتصالات الذي يكون بجوار المتصل و بعد ذلك يتعرف على الشركة الخاصة بالاتصال ثم يعاد توجيهه للمتصَل به في مسار مختلف حسب مكان الشخص المتصَل به و بعد كده بيوصل الصوت مشَفَّر و بعد كده بيتفك تشفيره عند المتصل , عملية معقدة جداً غير قابلة للإختراق بالإضافة مع مرورها بنظام تشغيل الموبايل للشخصين و مروراً أيضاً بأبراج الإتصال و شركة الإتصالات أياً كانت غير إن شركات الإتصالات لا تدعم تحميل الملفات و رفعها بل تدعم نقل الصوت فقط لا غير و دا اللي بيأكد إن شبه مستحيل إن يحصل إختراق و الإتصال بالإنترنت عن طريق شبكات الموبايل مختلف تماماً عن نقل الصوت " دي حاجة و دي حاجة " و لازم أي إختراق على الأقل بيكون من خلال المخترَق في سماحيه منه إنه يأذن للشخص الآخر يدخل للملفات بأي خدعة من الشخص المخترِق مثل برنامج او صوره. ما يحدث بعد الاختراق:
طيب لو نفترض إن الشخص اللي عاوز يخترق دا وصل لمستويات عالية و بيقدر بطريقة ما يخترق الموبايل , دا بيكلفه كتير بحيث أنه يجب أن يستهدف معلومات قيمة يمتلكها أشخاص أو شركات مهمة , كما أن هذه الأشخاص و الشركات المهمة بتقدر توصل للإشارة اللي جايه من المخترِق بالتواصل مع شركات الإتصالات لتحديد مكانه و بالتالي تقدر تسيطر على الموقف بأسرع وقت ممكن .
